Should auld acquaintance be forgot, \
And never brought to mind? \
Should auld acquaintance be forgot, \
And days of auld lang syne? \

_[Chorus] \
For auld lang syne, my dear, \
For auld lang syne. \
We'll take a cup o' kindness yet, \
For auld lang syne._ \

And surely ye'll be your pint-stowp! \
And surely I'll be mine! \
And we'll take a cup o' kindness yet, \
for auld lang syne. \

_[Chorus]_

We twa hae run about the braes \
And pou'd the gowans fine. \
We've wandered mony a weary foot, \
Sin' auld lang syne. \

_[Chorus]_

We twa hae sported i' the burn, \
From morning sun till dine, \
But seas between us braid hae roared \
Sin' auld lang syne. \

_[Chorus]_

And ther's a hand, my trusty friend, \
And gie's a hand o' thine; \
We'll tak' a right good willie-waught, \
For auld lang syne. \

_[Chorus]_